Жиззах вилояти Зарбдор туманида 10 июль куни хонадонлардан бирида ёнғин содир бўлди. Бу ҳақда вилоят Фавқулодда вазиятлар бошқармаси хабар қилди.
Қайд этилишича, шу куни соат 11:50 ларда Зарбдор тумани «Оқбулоқ» МФЙ Сарбон кўчасида жойлашган хонадонларнинг бирида ёнғин содир бўлгани тўғрисида маълумот келиб тушган. Ҳодиса жойига қутқарувчилар бўлинмаси етиб борган ва ёнғин қисқа муддатда бартараф этилган.
Маълум бўлишича, хонадон эгасининг 8 ёшли фарзанди назоратсиз гугурт ўйнаши оқибатида яшаш уйи оғилхонасининг 50 квадрат метр майдони ва сомон ғарами ёниб зарарланган.
Ёнғин оқибатида уй эгаси тахминан 4 миллион сўмлик моддий зарар кўрган. Жабрланганлар йўқ.
Изоҳ (0)