Украинанинг Донецк вилояти Часов Яр шаҳрида беш қаватли турар жой биносининг ўққа тутилиши оқибатида камида олти киши ҳалок бўлди, яна беш киши жароҳатланди. Бу ҳақда вилоят ҳокимлиги раҳбари Павел Кириленкога таяниб, Meduza хабар берди.
Расмийнинг сўзларига кўра, 9 июль куни кечқурун Россия қўшинлари уйни «Ураган» баравар ўт очувчи ракета тизимидан ўққа тутган. Уйнинг иккита подъезди бутунлай вайрон бўлган.
Кириленко келтирган маҳаллий аҳолининг сўзларига кўра, вайроналар остида 34 киши, жумладан, тўққиз ёшли бола борлиги тахмин қилинмоқда. Қутқарувчилар вайроналар остида қолган икки киши билан алоқага чиққан.
Изоҳ (0)