Франция ҳукумати Россиядан газ импорт қилишни тўлиқ тўхтатишга тайёрланмоқда, деди молия вазири Бруно Ле Мер. Бу ҳақда Reuters хабар берди.
«Россия газидан бутунлай воз кечишни ҳақиқат деб ҳисоблайман ва биз бундай сценарийга тайёрланишимиз керак», — деди вазир Rencontres Economiques иқтисодий форумида.
Унинг қўшимча қилишича, ушбу сценарийнинг амалга ошиши эҳтимоли жуда катта ва буни олдиндан кўра олмаслик масъулиятсизлик ҳисобланади.
Ле Мернинг сўзларига кўра, биринчи навбатда, ҳукумат уй хўжаликлари ва корхоналар томонидан газ истеъмолини камайтириш, сўнгра суюлтирилган табиий газни қабул қилиш ва қайта газлаштириш учун зарур инфратузилмани қуриш масаласини кўриб чиқмоқда. Расмийлар, шунингдек, баъзи компаниялар энергияни тежаш учун ишлаб чиқаришни камайтиришга мажбур бўлишини тан олмоқда.
Франция ўз газининг тахминан 17 фоизини Россиядан олади, бу баъзи қўшниларига қараганда камроқ, аммо ҳукумат фавқулодда вазият режасини тайёрламоқда. Гап шундаки, Россиядан ёнилғи етказиб беришнинг тўхтатилиши Париж учун жиддий муаммоларни келтириб чиқаради, чунки ядровий реакторларнинг катта қисми ҳозир тезник хизматда ва улардан фойдаланишнинг имкони йўқ.
Изоҳ (0)