Донда компаниясининг асосчиси рэпер Канье Уэст пенопластдан ясаладиган Донда Foam Vehicle автомобили лойиҳасини намойиш қилди. Бу ҳақда «Правила жизни» нашри хабар берди.
Америкалик рэпер асос солган Донда компанияси Донда Foam Vehicle номли пенопластдан ясалган автомобилни тақдим этди. Канье Уэст Nike, New Balance, Reebok ва Adidas компанияларидаги фаолияти билан танилган Стивен Смитнини эса саноат дизайни бўлими раҳбари этиб тайинланганини эълон қилди.
Ҳозирча рэпернинг жамоаси янги автомобиль ҳақида ҳеч қандай маълумот бермади. Ушбу автомобиль лойиҳасини яратишда қилинган ҳамкорликдан ташқари Канье Уэст ўз компанияси ва дизайнер ўртасида янги ҳамкорлик бошлаганини маълум қилди. Смит рэпер билан 2016 йилдан бери ўзининг шахсий Yeezy бренди остидаги кроссовкаларида ҳамкорлик қилиб келади. Дизайнернинг ижод намуналари орасида New Balance 574, Reebok Инста Pump Fury, Yeezy Boost 700 ва Yeezy Powerphase каби оёқ кийим турлари бор.
Смит Канье Уэст билан қайта ишлаш имкониятини «катта шараф» деб эътироф этди. Янги лавозимда у нафақат пойабзал, балки мебель, транспорт воситалари ва бошқа буюмларнинг дизайни устида ҳам ишлайди. Машинанинг эълонида эса «АҚШда ихтиро қилинган, ишлаб чиқилган ва ишлаб чиқарилган. Омин», — дейилади.
Нашрнинг маълум қилишича, Смитнинг Дондаъга таклифи Adidas ва Уэст ўртасида зиддиятли вазиятни юзага келтириши мумкин. Тахминларга кўра, рэпер пойабзал ишлаб чиқаришда ушбу бренддан алоҳида бўлишни истайди. Июнь ойида эса Уэст Adidas’ни шиппаклар дизайнини плагиат қилишда айблади.
Бироқ спорт товарлари ишлаб чиқарувчиси Смит Дондаъдаги иши Adidas бренди ва унинг рэпер билан ҳамкорлигига таъсир қилмаслигини таъкидлади. «Биз биргаликда ишлашни интиқлик билан кутамиз», — деди Adidas вакили.
«Спорт буюмлари, пойабзал, ҳарбий электроника ва кийим-кечакларнинг дизайнини яратиш бўйича 37 йиллик тажрибага эга бўлган Стивен Смит Дондаънинг саноат дизайни бўлими бошлиғи этиб тайинланди», — дейилади расмий манбаларда.
Мавзуга доир:
Изоҳ (0)