2022 йилнинг 6 июль куни Шайхонтоҳур туман судида Ўзбекистон Республикаси Жиноят кодексининг 139-моддаси (туҳмат)да назарда тутилган жиноятда айбланаётган Uzmetronom сайти асосчиси С.Ежковнинг жиноят иши бўйича иккинчи суд мажлиси бўлиб ўтди.
Мажлисда жабрланувчи Комил Алламжонов ва судланувчи Сергей Ежков «Бриллиантовий малчик» ва «Слив с дальним прицелом» мақолалари юзасидан ўз позицияларини билдирдилар.
Сергей Ежков тегишли далилларсиз материални эълон қилганидан афсусда эканлигини билдирди ва судда Комил Алламжоновдан узр сўради.
Ўз навбатида, Алламжонов, унинг мақсади — Ежковни жазолаш эмас, балки ўзининг ҳақ эканини исботлаш бўлганини, у бунга эришгани ва ўз аризасини қайтариб олишини билдирди. У ҳар қандай баҳслар кўчада, «подвал»ларда эмас, айнан судларда ҳал қилиниши кераклигини таъкидлади.
Суд мажлиси якунида Комил Алламжонов Сергей Ежковга қўл узатгани залдагилар учун кутилмаган воқеа бўлди. У Ежковга ўзининг «Алламжонов айбдор» китобини «Суд залидан азиз Ежков С.А. акага эсдалик учун» деб ёзилган дастхат билан совға қилди.
Изоҳ (0)