«Манчестер Юнайтед» бир шарт билан португалиялик ҳужумчи Криштиану Роналдуни бошқа клубга қўйиб юборишга тайёр, деб хабар беради ESPN.
Манбага кўра, агар Англия Премьер Лигасидан ташқарида бўлган клуб ҳужумчининг ҳафтасига 500 минг фунт маош кўрсатилган шартномасининг сўнгги 12 ойини ўз бўйнига олишга тайёр бўлса, инглиз клуби Роналдуни сотишга тайёр бўлади.
Аввалроқ Криштиану Роналду ушбу трансфер ойнасидаёқ клубни тарк этиш истагини билдиргани ва ҳатто агентдан ўзи учун янги жамоа танлашни сўрагани маълум қилинганди. Бироқ «қизиллар» раҳбарияти футболчини қўйиб юборишни режалаштирмаяпти ва португалияликнинг яқин кунларда жамоанинг йиғинига қўшилишини кутмоқда.
Ҳозирда матбуотда Роналдуга «Челси»нинг жиддий қизиқиш билдираётгани ҳақида ёзилмоқда.
Роналдунинг жамоадан кетмоқчилигига «Манчестер Юнайтед»нинг Чемпионлар Лигасида ўйнамаслиги ва раҳбариятнинг трансфер бозорида суст ҳаракат қилаётгани сабаб қилиб кўрсатилмоқда.
Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.
Изоҳ (0)