«Челси» Томас Тухелнинг розилигисиз Криштиану Роналду билан шартнома имзоламайди.
Лондон жамаоси хўжайини Тодд Боэли Марина Грановская ва Петр Чех кетганидан сўнг спорт директор вазифасини ҳам бажармоқда ва у Тухель «Челси» «Манчестер Юнайтед» ҳужумчисига таклиф билан чиқишини хоҳлайдими ёки йўқми, маслаҳатлашади. Бу ҳақида The Telegraph хабар қилмоқда.
Немис мураббийи Роналдунинг мухлиси эканлиги сир эмас. Бироқ мутахасс Боэли билан трансферни муҳокама қилмаган.
Баъзи манбаларда Тухель Тоддга Роналдунинг шартномаси борасида эҳтиёткор бўлишни маслаҳат берган дейилади. Немиснинг асосий мақсади учта ҳимоячи ва «Манчестер Сити» вингери Раҳим Стерлингни жамоага олиб келиш.
Тухелда исталган трансферга тақиқ қўйиш ҳуқуқи бор. Боэли мураббий истамаган футболчи билан шартнома имзоламайди.
«Челси» манкунианликлар ушбу трансферга рози бўладими-йўқми, билмайди. Роналдунинг трансфер нархи ва унинг молиявий талаблари ҳам номаълум. «Кўклар» Тухель ушбу трансферга рухсат бергандан сўнг ушбу маълумотларни очиқлашга ҳаракат қилади.
Роналдунинг жамоадан кетмоқчилигига «Манчестер Юнайтед»нинг Чемпионлар Лигасида ўйнамаслиги ва раҳбариятнинг трансфер бозорида суст ҳаракат қилаётгани сабаб қилиб кўрсатилмоқда.
Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.
Изоҳ (0)