«Бавария» ва «Челси» «Ювентус» ҳимоячиси учун кураш олиб боради

«Бавария» «Ювентус» ҳимоячиси Matteйс де Лигтга жиддий қизиқиш билдирмоқда.

Журналист Жанлука ди Марсионинг ёзишича, 22 ёшли футболчининг трансфери борасида иккала клуб ўртасида дастлабки алоқалар ўрнатилган.

Энди «Бавария» «Ювентус»нинг молиявий талабларини бажаришга қанчалик тайёрлигини билиши керак. Шунингдек, Matteйснинг ўзи мюнхенликлар сафига қўшилишга розилиги ҳам аниқ эмас. Ҳозирда футболчи «Челси»га ўтиш ҳақида ўйламоқда. У Томас Тухель билан бирга ишламоқчи.

Лондон клуби ҳимоячига қизиқишини сақлаб қолган. Антонио Рюдигер ва Андреас Кристенсен «Челси» сафини тарк этди ва «кўклар» ёзда марказий ҳимоячи сотиб олишни мақсад қилган. «Аристократлар» де Лигтдан ташқари Милан Шкриньяр («Интер») ва Калиду Кулибали («Наполи») каби футболчилар учун ҳам курашга қўшилган.

«Ювентус»нинг трансфер бозорида фаоллиги Matteйснинг сотувига боғлиқ.

«Челси» ҳимоячи учун 75—80 миллион евро бермоқчи, «Ювентус» эса 90—100 миллион евро талаб қилмоқда.

Аввалроқ «Манчестер Юнайтед» ҳам Matteйс де Лигтга қизиқиш билдираётгани хабар қилинганди.

Нидерландиялик 2021/22 йилги мавсум туринликлар сафида барча мусобақаларда 42 та ўйинда иштирок этиб, 3 та гол уришга муваффақ бўлган.