Кувайтда бўлиб ўтадиган футзал бўйича Осиё Кубоги—2022 мусобақасига тайёргарлик кўриш мақсадида Ўзбекистон футзал миллий терма жамоаси 4 июнь, душанба куни Тошкентда йиғин бошлайди.
Машғулотлар 18 июлга қадар давом этади. Йиғин давомида футзалчилар бир нечта ўртоқлик учрашувларида иштирок этишлари режалаштирилган.
Бош мураббий Баҳодир Аҳмедов мазкур учрашувларга қуйидаги футзалчиларни жалб қилди:
Дарвозабонлар: Рустам Умаров, Аббос Элмуродов, Равшан Элибоев.
Ўйинчилар: Ихтиёр Ропиев, Самариддин Беркинов, Машраб Одилов, Анасхон Раҳматов, Шаҳрам Фахриддинов, Илҳом Ҳамроев, Ҳусниддин Нишонов, Дилшод Раҳматов, Даврон Чориев, Хайрулла Солиҳов, Далер Эшонқулов, Бекали Абдураҳмонов, Қосимжон Сафаров, Давлат Ибрагимов, Акбар Усмонов, Музаффар Аҳаджонов, Асилбек Исроилов.
Эслатиб ўтамиз, Осиё Кубоги—2022 мусобақаси 27 сентябрдан 8 октябрга қадар бўлиб ўтади. Ўзбекистон футзал терма жамоаси Баҳрайн, Тожикистон ва Туркманистон билан биргаликда B гуруҳидан жой олди.
Изоҳ (0)