Антиоксидантларга бой бу сабзавот юрак, ичаклар, иммунитет тизими ва бошқа кўплаб органларнинг яхши ишлашига ёрдам беради.
Битта ўртача катталикдаги пиёз таркибида қуйидагилар бўлади:
- 44 калория
- 13 г углевод
- 1 г протеин
- <1 г ёғ
- <1 г тўйинган ёғ
- 2,5 г клетчатка
- 6 г шакар
- 216 мг калий
- 15 мг магний
- 11 мг С витамини
- 0,178 мг B6 витамини
Пиёз C, B6 витамини, фолий кислотаси, калий ва марганес манбаидир. Бундан ташқари, у озиқ толаларига бой, асосийси эса у таомларни янада мазали ва хушбўй қилади.
Пиёз юракни ҳимоя қилади
Пиёзга бой бўлган табиий бирикмалар яллиғланишни камайтиради ва холестерин даражасини пасайтиради. Бундан ташқари, сабзавот таркибида ҳам кўп бўлган полифенол кверсетин қон босими даражасини пасайтиришга ёрдам беради.
Иммунитет тизимини мустаҳкамлайди
Болалигимизда оналаримиз пиёз грипп ва шамоллашда ёрдам беради, дейишганида қанчалик ҳақ бўлишган. Пиёз таркибидаги фитокимёвий моддалар ҳақиқатан ҳам иммунитетни кучайтиради ва вируслар ва бактерияларга қарши курашувчи махсус оқсиллар синтезига ёрдам беради.
Саратон хавфини камайтиришга ёрдам беради
Пиёзга бой антиоксидантлар нафақат яллиғланишга қарши таъсирга эга, балки олтингугурт бирикмалари саратоннинг айрим шаклларини ривожланиш хавфини ҳам камайтиради. 2014 йилда чоп этилган 27 та тадқиқот шуни кўрсатадики, пиёз истеъмол қилиш ошқозон ва йўғон ичак саратони хавфини камайтиради.
Овқат ҳазм қилишни яхшилайди
Пиёз махсус озиқ толасига бой бўлиб, фойдали ичак бактериялари — пробиотикларнинг кўпайишига ёрдам беради. Пиёздаги толалар ичак бактерияларини мувозанатлашда бошқа мева ва сабзавотлардаги толаларга қараганда анча яхши самара беради.
Изоҳ (0)