Қорақалпоғистонда содир бўлган вазиятни оғир-босиқлик, аҳиллик билан ортда қолдириш керак. Бу ҳақда Шавкат Мирзиёев 3 июль куни Нукус туманидаги «Саманбай» овул фуқаролар йиғинида аҳоли билан бўлган учрашувда айтди.
3 июль куни Нукус шаҳрида Шавкат Мирзиёев иштирокида йиғилиш бўлиб ўтганди. Йиғилишдан сўнг, президент Нукус туманидаги «Саманбай» овул фуқаролар йиғинига бориб, ёшуллилар, ҳоким ёрдамчилари, ёшлар етакчилари ва хотин-қизлар фаоллари билан учрашди.
Давлат раҳбари матбуот хизматининг хабар беришича, Шавкат Мирзиёев Қорақалпоғистонда содир бўлган ташвишли воқеаларни бутун халқ чуқур дард ва изтироб билан қабул қилгани, бу синовни оғир-босиқлик, аҳиллик билан ортда қолдириш кераклигини таъкидлади.
Одамлар буни тасдиқлаб, Қорақалпоғистоннинг донишманд эли бундан буён ҳам ўзбек ва қорақалпоқ халқларининг бирлигига, оғизбирчилигига асосланган муқаддас қадриятларни кўз қорачиғидек асраб-авайлаб яшашига ишонч билдирди.
Мавзуга доир:
- «Президент маҳаллаларда бўлиб, одамлар билан суҳбатлаша бошлагач, вазият анча юмшади». Қорақалпоғистонлик журналист айни дамдаги вазият ҳақида
- «Уларнинг асосий мақсади жамиятни пароканда қилиш». Шавкат Мирзиёев айрим ғаразли кучлар ҳақида
- Шавкат Мирзиёев оммавий тартибсизлик айбдорлари муқаррар жазога тортилишини айтди
Изоҳ (0)