Самарқанд вилояти Иштихон туманида икки эркак қўшни аёлни арқонга боғлаб калтаклади. Бу ҳақда «Миллар» дастурида хабар берилди.
Маълум қилинишича, 25 июнь куни соат тахминан 23:00 да содир бўлган. Ўша куни аёл кечки пайт аёл боғга сув қуйиш учун чиққан ва орқасидан келаётган оёқ овозларини эшитган.
«Орқамга қараб, қўшним турганини кўрдим ва қўлимдаги кетмонни ташлаб қочмоқчи бўлдим. Шу пайт бўйнимга арқон келиб тушди. Куёви эса бошимга темирга ўхшаш буюм билан урди», – дейди жабрланган аёл.
Унинг сўзларига кўра, икки оила ўртасида бир неча йиллардан буён давом этаётган келишмовчилик бўлган. 2021 йилда эркак аёлнинг онасининг бошини ҳам уриб ёрган.
Ҳозирда ҳолат юзасидан Иштихон туман ИИБ томонидан терговга қадар текширув ҳаракатлари олиб борилмоқда. Фуқаро туман тиббиёт бирлашмасида даволанмоқда.
Ҳолат туман сектор раҳбарлари назоратига олинган.
Изоҳ (0)