ФҲДЁ органлари томонидан 2022 йилнинг 1 июнь ҳолатига республика бўйича 90 543 никоҳ қайд этилган. Шундан ҳомиладор бўлгани сабабли муддатидан олдин никоҳни қайд этиш ҳолатлари 7 612 тани (8 фоиз) ташкил қилган. Бу ҳақда Давлат хизматлари агентлиги хабар берди.
Ушбу ҳолатлар бўйича энг юқори кўрсатгич Қорақалпоғистон Республикаси 2 513 та (40 фоиз), Хоразм вилояти 882 та (12 фоиз), Қашқадарё вилояти 797 та (9 фоиз) ва Сурхондарё вилояти 679 та (9 фоиз)да қайд этилган.
Оила кодексига асосан никоҳ тузиш никоҳланувчиларнинг фуқаролик ҳолати далолатномаларини қайд этиш органларига ариза берганларидан кейин бир ой ўтгач, шахсан уларнинг иштирокида амалга оширилиши белгиланган. Алоҳида ҳоллар (ҳомиладорлик, бола туғилиши, бир тарафнинг касаллиги ва бошқалар)да никоҳ ариза берилган куни тузилиши мумкин.
Аввалроқ Ўзбекистонда 2022 йилнинг январь—апрель ойларида 20 ёшгача бўлган 19 976 нафар қиз никоҳдан ўтгани, Ўзбекистонда 5 ойда 50 ёшдан ошганлар ўртасида 662 та никоҳ ҳолати қайд этилгани тўғрисида хабар берилганди.
Изоҳ (0)