Ирпенда одамлар вагонларда яшамоқда, Донбассда Россия қўшинлари ўтадиган йўл миналанмоқда. Урушнинг 112-кунидан фоторепортаж
Урушнинг бир юз ўн учинчи куни ўтмоқда. 15 июнь куни Дмитрий Медведев «Украинанинг икки йилдан кейин жаҳон харитасида мавжуд бўлишига» шубҳа билдирди. Владимир Путин Россия қўшинларининг 239-полкини мукофотлади. Полк Украининг Богдановка қишлоғини оккупация қилиш вақтида содир этилган қотиллик ва зўравонликларга алоқадор бўлиши мумкин. Украина Қуролли кучлари генерал майори Дмитрий Марченконинг айтишича, Украина Ғарб ваъда қилган қуролларни олганидан кейин, Қрим кўприги «биринчи рақамли нишон»га айланади. Бердянскда россиялик «жангчи-халоскор» ёдгорлигини ўрнатиш режалаштирилмоқда, Киев вилоятида эса одамлар темир йўл вагонларида яшашга мажбур бўлмоқда. Донбасс шимолида шиддатли жанглар давом этиб, одамлар ҳалок бўлмоқда. Meduza урушнинг бир юз ўн иккинчи кунига оид фотосуратларни жамлади.
Бердянск
Бердянск боғида «россиялик халоскор» ҳайкалини ўрнатиш режалаштирилган жой. Шаҳар Россия армияси назорати остида.Фото: AP Photo
Киев вилояти
Киевга яқин Липовка қишлоғидаги йўл бўйида ишдан чиққан рус танки. Апрель ойи бошида Украина Қуролли кучлари ушбу ҳудудлар устидан назоратни тиклади.Фото: AP Photo
15 июль куни Украина темир йўллари Россия ҳужуми туфайли уйсиз қолган фуқаролар учун Ирпен шаҳрида вақтинчалик яшаш жойи сифатида «Темир шаҳарча»ни очди. Вагонларга кираверишда яшил формадаги «кондукторлар» туради.Фото: Getty Images
«Темир шаҳарча»да яшаётган Мария Моргун.Фото: Getty Images
«Темир шаҳарча»да яшаётган Мария Музик.Фото: Getty Images
Украина Қуролли кучларининг захирадаги аскарлари Киевдаги базасида тушлик тайёрламоқда. 5 июнь куни Киев апрель охиридан бери биринчи марта ракетадан ўққа тутилди. 10 июнь куни у ерда ҳаво тревогаси эълон қилинди.Фото: Sopa Images
Украина ички ишлар вазири Денис Монастйрский ҳарбийларни медаллар билан тақдирлади. Жумладан, фавқулодда вазиятлар хизматлари, милиция ва чегарачилар уруш мобайнида кўрсатган жасорати ва қаҳрамонлиги учун тақдирланган. Мукофотланганлардан баъзилари жиддий жароҳатлар олган.Фото: Getty Images
Донбасс шимоли
Украина армиясининг вертолётлари Луганск вилоятининг Лисичанск туманида. Россия Северодонецкни эгаллашга уриниб, ҳудуддаги Украина Қуролли кучлари бўлинмаларини ўққа тутишда давом этмоқда.Фото: Anadolu
Украина ҳарбийлари Франциянинг «Цезарь» ўзиюрар артиллерия қурилмасидан Россия позицияларига қарата ўт очмоқда.Фото: AFP
Доброполеда вайрон бўлган уй ҳовлисидаги киши. 13 июндан 14 июнга ўтар кечаси рус қўшинлари шаҳарни ўққа тутди. Бир киши ҳалок бўлди, учта уй бутунлай, 29 таси эса қисман вайрон бўлди.Фото: AFP
Украина махсус кучлари Донецк вилоятида рус қўшинлари ўтадиган ўрмондаги йўлни миналамоқда.Фото: AP Photo
Северодонецк аҳолиси ҳарбий белгилар қўйилган машиналарда шаҳар ташқарисига олиб кетилмоқда. Бу шаҳарнинг ЛХР томонидан туриб олинган илк фотосуратлари. Россия армияси Луганск вилоятида жангларни давом эттирмоқда ва Северодонецкни назорат остига олишга ҳаракат қилмоқда. Украина Қуролли кучлари бош қўмондони Валерий Залужний шаҳарни Луганск вилоятидаги мудофаа операциялари тизимининг асосий нуқтаси деб атади.Фото: «ТАСС»
Изоҳ (0)