Образ яратишда аксессуарлар муҳим рол ўйнайди. Бу пластик гардишли қуёшдан сақлайдиган кўзойнак бўладими, нақшли маржонми, ёрқин рангдаги шляпа ёки принтли рўмол бўладими — ҳаммасининг ўз ўрни бор.
Ёрқин гардишли кўзойнак
Қуёшдан ҳимоя қилувчи кўзойнак — ёзда ҳеч қачон эсдан чиқмайдиган муҳим элемент. Ушбу мавсумда қора ва жигарранг класциклар ёрқин пластик рамкада ғайриоддий шакллар (овал, синган тўртбурчак, мушук кўзлари) моделлари урфда бўлади. Кўзойнак рангини кийимга мослаб танлаш шарт эмас, аксинча образ қанчалик контраст бўлса, шунчалик қизиқ тасвирларни яратиш мумкин.
Кўзойнак занжири
Агар аллақачон кўзойнагингиз бўлса, уни ноодатий аксессуар — занжир билан безашингиз мумкин. Бу нафақат ажойиб кўринишга эга, балки фойдаланишда ҳам жуда қулай.
Сумка-корзинка
Эҳтимол, чет эл юлдузларининг кўча услубидаги образларида ўзларига ортиқча оро бермай оддий сумка тутишларини пайқагандирсиз. Айниқса, ёз мавсумида сомондан тўқилган сумкалар образингизга янада чирой қўшади.
Ёрқин рангдаги панама
Ёзда ёнингиздан қўймайдиган нарсалардан бири SPF крем ва асосий вазифани бажариш билан бирга ёрқин индивидуаллигингизни таъкидлайдиган кенг қиррали панама шляпасини олишдир.
Принтли рўмол
Рўмолни сумкангизга ёки бошингизга боғлаб олинг. Ипак рўмол ва ёзги кийимлар билан чексиз образ яратиш мумкин. Аслида кўп қиррали бу аксессуар ташқи кўринишингизга ёрқин ранглар қўшишнинг энг осон усулларидан бири.
Чиғаноқли браслет
Агар бу йил таътилга чиқолмаган бўлсангиз, аксессуарлар дўконларида денгизни эслатувчи браслет харид қилинг. Бу йил ҳам денгиз юлдузи, занжир, чиғаноқ ва бошқа денгиз ўтлари ҳар доимгидек трендда.
Бантли заколка
Шубҳасиз, бундай бежирим аксессуарсиз ёзги образни мукаммал деб бўлмайди.
Пластикдан ясалган зираклар
Бу ёзда 90 йилларнинг қувончли урфлари қайтиб келди ва бутун ёз давомида сиз билан бирга бўлишга тайёр. Бундай зираклар мактаб даврини ёдга солиб, кайфиятингизни кўтариши кафолатланган.
Кўзойнак учун кулон
Супер ёзги кайфият учун аксессуарлар танлашни кўзойнакка кулон танлаш билан якунлаймиз. Юрак, кунгабоқар ёки юлдузчалар — севимли рамзингизни танланг ва образингизни ёрқинлик билан бойитинг.
Изоҳ (0)