Ҳиндистон ўрта радиусда парвозни амалга оширадиган Агни-IV баллистик ракетасини муваффақиятли синовдан ўтказди. Бу ҳақда мамлакат мудофаа вазирлигига асосланиб «Интерфакс» хабар берган.
Ракета маҳаллий вақт билан 19:30 да (Тошкент вақти билан 18:30да) Бенгла бўғозидаги Абдул Калом оролидан учирилган.
«Ракетанинг муваффақиятли синов парвози Стратегик кучлар қўмондонлигининг режадаги парвозлари доирасида амалга оширилди», – дейилади Ҳиндистон мудофаа вазирлигининг хабарида.
Шунингдек, вазирлик ракетанинг синови Ҳиндистонда минимал тийиб туриш потенциалини ривожлантиришга хизмат қилишини қайд этди.
Ҳиндистон 750 километр масофадаги нишонни ура оладиган Агни-I, 2 минг километр масофага учиб бора оладиган Агни-II, 3,5 – 4,5 минг километрга етиб бориб нишонни урадиган Агни-III ҳамда Агни-IV, шунингдек 5 минг километрга етиб бора оладиган Агни-V баллистик ракеталарига эга. Уларнинг ҳаммаси ядро жанговар заряди билан парвоз қилиши мумкин.
Изоҳ (0)