Фарғона вилояти Бувайда туманида автомобилларга газ қуйиш шохобчасида «Москвич» автомашинасида ёнғин содир бўлди. Бу ҳақда вилоят Фавқулодда вазиятлар бошқармаси хабар қилди.
Қайд этилишича, Бувайда тумани ФВБга тунги соат 21:30 да «Бунёдкор тараққиёт метан сервис» МЧЖга қарашли АГТШдан газ тўлдириб чиқаётган «Москвич» автомобили ёнаётгани тўғрисида хабар келиб тушган.
Шунга кўра, ёнғин-қутқарув гуруҳи воқеа жойига соат 21:40 да етиб борган. Ёнғин соат 21:43 да тўлиқ бартараф этилган.
Ҳодиса оқибатида жароҳатланган ва вафот этганлар йўқ. Ҳозирда ёнғин сабаби ва зарар миқдори аниқланмоқда.
Изоҳ (0)