Коррупцияга қарши курашиш агентлиги Ўзбекистондаги 62 та давлат олий таълим муассасаларининг 2021 йилда олган даромадлари ва харажатларини маълум қилди.
Натижалар кўрсатишича, республика кесимида энг кўп даромадлар Низомий номидаги Тошкент давлат педагогика университети (қарийб 400 млрд сўм), Наманган давлат университети (320 млрд сўм) ва Мирзо Улуғбек номидаги Ўзбекистон Миллий университети томонидан (315 млрд сўм) шакллантирилган.
Тошкент шаҳрида жойлашган энг кўп даромад кўрган олий таълим муассасаларининг қисқа рўйхати қуйидагича:
- Низомий номидаги Тошкент давлат педагогика университети — 399 млрд сўм;
- Мирзо Улуғбек номидаги Ўзбекистон Миллий университети — 320 млрд сўм;
- Ислом Каримов номидаги Тошкент давлат техника университети — 276 млрд сўм;
- Тошкент давлат иқтисодиёт университети — 237 млрд сўм;
- Ўзбекистон давлат жаҳон тиллари университети — 210 млрд сўм.
Маълумот учун, Олий таълим муассасаларининг даромадлари бюджетдан молиялаштирилган маблағлар, тўлов-контракт асосида ўқитиш учун тушган тушумлар, ривожлантириш маблағлари бўйича даромадлар ҳисобидан шакллантирилади.
Аввалроқ Ўзбекистонда солиқ имтиёзига эга бўлган корхоналар маълум бўлган эди.
Изоҳ (0)