«ПСЖ» ҳужумчилари Килиан Мбаппе ва Неймар ўртасидаги муносабатлар ёмонлашган. Бу бразилияликнинг жамоадан кетишига сабаб бўлиши мумкин.
АС нашрининг хабарига кўра, икки ҳужумчининг бир пайтлар яхши бўлган муносабатлари совуқлашган. Француз Неймар билан суҳбатларда доим уни масхара қилади.
Шу сабабли Париж клуби 30 ёшли футболчини ортиқ дахлсиз деб ҳисобламайди ва уни сотиб юборишга тайёр. Мбаппе ҳам Неймарнинг кетиши тарафдори.
Бразилиялик футболчининг жамоани тарк этишига яна тўсиқлардан бири унинг юқори маоши бўлиши мумкин. Неймар солиқлардан ташқари ойига 4 миллион евро маош олади.
Аввалроқ, «ПСЖ» «Барселона»га Неймарни сотиб олишни таклиф қилгани хабар қилинганди.
Эслатиб ўтамиз, Килиан Мбаппе «ПСЖ» билан 2025 йилга қадар мўлжалланган шартнома имзолади. Бразилияликнинг эса амалдаги шартномаси 2025 йилда ўз ниҳоясига етади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)