Ўзбекистонда 2022 йилнинг тўрт ойида қанча оила ажрашгани маълум бўлди

Ўзбекистонда 2022 йилнинг январь—апрель ойларида ойларида республика бўйича 16 256 та ажралиш ҳолатлари қайд этилган. Бу ҳақда Давлат статистика қўмитаси хабар берди.

Ўтган давр мобайнида энг кўп ажралишлар сони Тошкент шаҳрида қайд этилган — 1982 та. Ундан кейинги ўринларни Самарқанд (1736 та) ва Тошкент (1700 та) вилоятлари эгаллаган.

2022 йилнинг тўрт ойида ҳудудлар кесимида қайд этилган ажралишлар сони:

• Қорақалпоғистон Республикаси – 729 та;
• Андижон вилояти – 1658 та;
• Бухоро вилояти – 923 та;
• Жиззах вилояти – 559 та;
• Қашқадарё вилояти – 1342 та;
• Навоий вилояти – 465 та;
• Самарқанд вилояти – 1736 та;
• Сурхондарё вилояти – 908 та;
• Сирдарё вилояти – 580 та;
• Тошкент вилояти – 1700 та;
• Фарғона вилояти – 1628 та;
• Хоразм вилояти – 642 та;
• Тошкент шаҳри – 1982 та.

Эслатиб ўтамиз, 2022 йилнинг 1 апрель ҳолатига кўра Ўзбекистоннинг доимий аҳолиси 35 миллион 433 минг 772 кишини ташкил этди. Доимий аҳолининг 17 607 934 нафари аёллар, 17 825 838 нафари эркаклардир. 1 километр квадрат ер майдонига ўртача 78,9 нафар доимий аҳоли сони тўғри келади.