Ғарб санкциялари Россия таъминот занжирларининг узилишига, экспорти ва импорти учун мамлакатларнинг ёпилишига, юк оқимининг қисқаришига ва жанубда сув ва ҳаво транспортининг вақтинча тўхтаб қолишига олиб келди, деб ёзмоқда «Коммерсантъ».
Шу туфайли, Россия транспорт-логистика комплексини қўллаб-қувватлашга қаратилган қатор ечимларни ишлаб чиқди.
Ўзбекистон, Туркия, Қозоғистон ва БААда транзит операцияларини амалга ошириш марказларини ташкил этиб, у ерга «дўстона бўлмаган» мамлакатлардан импортни ташкил этиш ва кейинчалик уларни Россияга экспорт қилиш шулар жумласидандир.
Бундан ташқари, Россия Иқтисодий ривожланиш вазирлиги ташқи иқтисодий фаолият иштирокчиларига дўст мамлакатларда экспорт-импорт имкониятларини ривожлантиришда ёрдам бермоқда.
Хусусан, Ўзбекистон, Эрон ва Беларуснинг тегишли вазирликлари билан фаол иш олиб борилмоқда.
Ўзбекистоннинг Ростов-Дон шаҳридаги бош консули Рустам Қўрғонбоев мамлакатлар ўртасидаги ташқи савдо айланмаси йилдан йилга барқарор ўсиб бораётганини таъкидлади.
2021 йил якунига кўра, Россия 18 фоиз, яъни қарийб 8 млрд доллар билан асосий ташқи савдо ҳамкори бўлди. Жорий йилда ҳам халқаро муносабатлардаги барча қийинчиликларга қарамай, ўзаро товар айирбошлашда барқарор ўсишга ишонамиз, — деди Қўрғонбоев.2022 йилда Ўзбекистон Ростов вилояти Савдо-саноат палатаси ва Иқтисодий ривожланиш вазирлиги билан келишувларни сезиларли даражада фаоллаштириш ва ҳар икки йўналишда камида битта делегация ташкил этиш ниятида.
Республика Дон вилоятидан нафақат саноат маҳсулотлари, балки озиқ-овқат маҳсулотларини ҳам импорт қилишдан манфаатдор, — деб таъкидлади бош консул.Санкциялар таъсирини уларни қўллаб-қувватламайдиган давлатлар орқали шартнома тузиб, реекспорт қилиш орқали камайтириш мумкин. Гап божхона реекспорт тартиби тадбиркорлар орасида энг кўп талаб қилинадиган Ўзбекистон, Сербия ва Туркия ҳақида кетмоқда», — деди Ташқи иқтисодий фаолият қўмитаси аъзоси Андрей Мишанов.
Бугунги кунда маҳсулотларни Россияга қандай қилиб етказиб бериш, ким билан шартномалар тузиш ва санкциялар босими остида тўловларни қандай амалга ошириш масалалари кўриб чиқилмоқда.
Санкцияларни қўллаб-қувватламайдиган давлатлар орқали воситачи сифатида шартномалар тузиш ва тўловларни амалга ошириш орқали буни уддаласа бўлади.
Масалан, бугунги кунда тадбиркорлар Қозоғистонда корхоналар яратиш, маҳаллий банкларда ҳисоб рақамларини очишда муаммоларга дуч келмоқда.
Экспертнинг таъкидлашича, бошқа томондан, Божхона иттифоқига кирмаган Ўзбекистон бор, реекспорт декларация қилиш мумкин. Ҳам бевосита, ҳам билвосита.
Бу Россия бизнеси учун энг тушунарли ва шаффоф мамлакат, солиқ қонунчилиги жуда мўътадил. Ягона салбий нарса узоқ масофа, шунинг учун ҳам юк ташиш нархи жуда катта, — дейди эксперт.
Изоҳ (0)