Ўзбекистоннинг шимолий ҳудудларига 26 май куни, барча ҳудудларига 27—28 май кунлари Кавказ ҳудудларидан нам ва нисбатан салқин ҳаво кириб келади. Бу ҳақда «Ўзгидромет» хабар қилди.
Қайд этилишича, 27—28 майда республика ҳудуди бўйича, 29 майда тоғолди ва тоғли ҳудудларда вақти-вақти билан ёмғир ёғади, момақалдироқ бўлиши мумкин. Тошкент, Самарқанд, Жиззах, Қашқадарё, Сурхондарё вилоятлари ва Фарғона водийси вилоятларининг тоғолди ва тоғли ҳудудларида 27—28 май кунлари баъзи жойларда кучли ёмғир ёғиши мумкин.
26 майда Қорақалпоғистонда, Хоразм, Бухоро, Навоий, Қашқадарё вилоятларида, чўл ҳудудларида ва жанубида, 27—29 майда республика бўйича баъзи жойларда шамол 18-23 м/с гача кучайиши, айрим жойларда чанг тўзонлари кузатилиши кутилмоқда.
27 майда Ўзбекистоннинг шимолида ва чўл ҳудудларида, 28 майда ҳудудларнинг катта қисмида кундузги ҳаво ҳарорати 21-26 даражагача пасаяди.
Аввалроқ Ўзбекистонда 25 май куни 39 даражагача иссиқ бўлиши кутилаётгани, «Ўзгидромет» ҳафта давомида қандай об-ҳаво бўлишини маълум қилгани, аксарият вилоятларда дам олиш куни жала ёмғир ёғгани ҳақида хабар берилганди.
Изоҳ (0)