Алишер Райимов Ангрен шаҳри ҳокими этиб тайинланди, деб хабар беради ЎзА.
Маълумот учун, Алишер Райимов 1981 йил Бўстонлиқ туманида туғилган. Маълумоти — олий. 2005 йил Тошкент давлат техника университетини, 2020 йилда Ўзбекистон президенти ҳузуридаги Давлат бошқаруви академиясини тамомлаган.
Лавозимга тайинлангунга қадар, «Ҳудудгазтаъминот» акциядорлик жамиятининг «Табиий газни ҳисобга олиш ва назорат қилишнинг автоматлаштирилган тизими лойиҳасини жорий этиш дирекцияси» филиали директори лавозимида фаолият юритиб келаётган эди.
Ангрен шаҳрининг собиқ ҳокими Нуриддин Абдураҳимов 11 май куни вафот этганди. У 2022 йилнинг 31 январида Ангрен шаҳри ҳокими этиб тайинланганди. Унга қадар Президент администрациясининг масъул ходими сифатида фаолият юритиб келган.
Унинг ўлимига инфаркт сабаб бўлгани айтилган Тошкент вилояти ҳокимлиги хабарида эса ҳоким бетоблиги туфайли вафот этгани билдирилган.
Изоҳ (0)