Тошкент шаҳри Чилонзор туманида пул эвазига фуқаро ўқишини кўчириб беришни ваъда қилган шахс қўлга олинди, дея хабар қилмоқда шаҳар ИИББ.
Маълум қилинишича, Чилонзор тумани ИИО ФМБга 28 ёшли М. (аёл) ариза билан мурожаат қилиб, 27 ёшли Б.С. унга Қозоғистондаги олий ўқув юртидан Тошкент давлат педагогика университетига ўқишини кўчиришга ёрдам қилишини ваъда берган.
Бунинг учун Б.М.дан 7 миллион сўм пулларини олиб, ваъдасини бажармаган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Тергов ҳаракатлари давом этмоқда.
Изоҳ (0)