Ўзбекистон январь—апрель ойларида асосан қайси давлатлардан енгил автомобиль импорт қилгани маълум бўлди
2022 йилнинг январь—апрель ойларида Ўзбекистон 21 та хорижий давлатлардан енгил автомобиллар импорт қилган. Бу ҳақда Давлат божхона қўмитаси хабар берди.
Фото: «Дарё» / Мадина Нурман
4 ойда Ўзбекистон енгил автомобилларни энг кўп импорт қилган давлатлар:
Хитой — 6100 та;
Жанубий Корея — 2971 та;
Қозоғистон — 1849 та;
Россия — 848 та;
АҚШ — 80 та;
БАА — 47 та;
Япония — 45 та;
Германия — 31 та;
Таиланд — 10 та;
Гонконг — 10 та.
Аввалроқ Ўзбекистон апрель ойида 91 миллион долларга автомобиль импорт қилгани тўғрисида хабар берилганди. Бу йил бошидан бери рекорд кўрсаткичдир. Импортнинг ўсишини февраль ойида енгил автомобиллар, март ойида эса SUV ва гибрид автомобиллар импорти учун божхона ставкалари пасайтирилгани билан изоҳлаш мумкин. Бундан ташқари, электромобиллар учун нол божхона ставкаси белгиланган.
Изоҳ (0)