Тошкент вилоятининг Пискент туманида давлат тасарруфидаги ерни сотмоқчи бўлган шахс қўлга олинди, деб хабар беради ИИВ Транспорт ва туризм объектларида хавфсизликни таъминлаш департаменти.
Маълум қилинишича, 12 май куни ИИВ ТХТББга фуқаро Х.дан ариза келиб тушган. Аризада З. исмли аёл танишларининг Пискент тумани «Акмал Икромов» маҳалласида жойлашган боғдорчилик ва дала ҳовли учун ажратилган жами 1,08 гектар ер майдонини 30 минг долларга сотмоқчи экани кўрсатилган.
Мазкур ҳолат юзасидан ИИВ Транспортда ХТББ ЖҚБ ҳамда Транспорт прокуратураси ходимлари томонидан олиб борилган тезкор тадбир натижасида Тошкент шаҳар Учтепа туманида яшовчи 60 ёшли Ю.З. танишлари Х.А., Н.А., И.М., З.Т., Н.К. ва С.А.га ажратилган, давлат тасарруфида бўлган ва кадастр ҳужжатлари бўлмаган ер майдонини 30 минг долларга сотишга келишиб, келишилган пулдан 20 минг долларни олган вақтида тадбир иштирокчилари томонидан ушланган.
Ҳозирда мазкур ҳолат юзасидан терговга қадар текширув ҳаракатлари давом эттирилмоқда.
Аввалроқ Жиззахда 40 гектар сувли ерни 200 миллион сўмга сотмоқчи бўлган шахс ушлангани, Сурхондарёда қишлоқ хўжалиги ерларида қурилиш ишларини амалга ошириб, 3,1 млрд сўмдан ортиқ зарар етказган жамият раҳбари аниқлангани тўғрисида хабар берилганди.
Мавзуга доир:
- Тошкент вилоятида 2,4 гектар ерни қарийб 1 млн долларга сотмоқчи бўлган шахслар қўлга тушди
- Самарқандда 78 гектар ерни расмийлаштириб бериш учун 135 минг доллар сўраган Тадбиркорликка кўмаклашиш маркази ходими ушланди
- Сурхондарёда фермер хўжалигига тегишли 6 сотих ер ўзбошимчалик билан эгаллаб олингани аниқланди
Изоҳ (0)