Аввалроқ Renault компаниясининг Ўзбекистондаги тақдири сўроқ остида экани ҳақида хабар қилинган эди.
2021 йилдан бери ADM Jizzakh заводида Renault автомобиллари ишлаб чиқарилади. Бироқ бу йирик узелли йиғишдир – автомобиллар учун асосий қисмлар «Рено Россия» заводида ишлаб чиқарилар эди.
Энди эса бу завод Москва ҳукуматига тегишли ва у ерда «Москвич» автомобиллари ишлаб чиқарилади.
Ҳозирда заводнинг янги раҳбарияти Россиянинг ички бозори ва экспорти учун Renault автомобилларини ишлаб чиқаришни сақлаб қолиш устида ишламоқда. Бу ҳақда «Дарё»га Renault’нинг Ўзбекистондаги ҳамкори бўлган Roodell компанияси маълум қилди.
Ҳозирги вазиятда барча мумкин бўлган вариантлар кўриб чиқилмоқда. Келгуси ишларнинг аниқ сценарийси келишиб олиниши билан улар ўзларининг барча ҳамкорларини, жумладан, бизни ҳам зудлик билан хабардор қиладилар, — дейилади хабарда.Компаниянинг таъкидлашича, улар ечимлар излаб топилишини кутишмоқда.
Аввалроқ Renault Россияда ишлаб чиқаришни тўхтатгани ҳақида хабар берилган эди.
Изоҳ (0)