2022 йил январь—март ойларида Ўзбекистон бўйича умумий майдони 2,8 млн квадрат метр бўлган турар жойлар ишга туширилди. Бу ҳақда Давлат статистика қўмитаси хабар бермоқда.
Фойдаланишга топширилган уйлардан 2,7 млн квадрат метри якка тартибда турар жойлар қурилиши бўйича, 66,0 минг квадрат метри эса намунавий лойиҳалар асосида қурилган турар жойлар бўлди. Қолган 7,5 минг квадрат метр бошқа юридик шахслар томонидан қурилган турар жойлардан ташкил топди.
Аввалроқ ипотека кредити учун субсидиялар бўйича маълумот берилган эди.
Унга кўра, 2021 йилдан бошлаб ипотека кредитлари бўйича 6 ойлик имтиёзли давр жорий этилди, шаҳарларда эса дастлабки тўлов 20 фоиздан 15 фоизгача пасайтирилди. Ишлаб чиқувчиларга пандемия даврида тақдим этилган имтиёзлар муддати узайтирилди.
Эндиликда даромади юқори бўлмаган ҳамда уй-жой шароитларини яхшилашга муҳтож бўлган фуқаролар ипотека кредити учун субсидия олишлари мумкин.
Изоҳ (0)