IT Park Ўзбекистонга яшаш ва ишлаш учун кўчиб келган Exadel компаниясининг етакчи дастурчиси Марат Байбурин ҳақида ҳикояни тақдим этди.
Exadel 20 йилдан ортиқ тажрибага эга халқаро IТ компаниядир. Компания консалтинг ва стратегияни шакллантиришдан тортиб ишлаб чиқиш, синовдан ўтказиш ва қўллаб-қувватлашгача бўлган тўлиқ хизматларни тақдим этади.
Марат Байбурин IТ соҳасида 20 йилдан ортиқ фаолият юритиб келади. У 2020 йилда Exadel’га жамоа раҳбари сифатида қўшилган.
Ҳозирда Маратнинг юқори малакали етакчи дастурчи сифатида бир қатор вазифалари мавжуд.Улар лойиҳани ишлаб чиқишнинг биринчи босқичидан то синов ва техник ёрдамнинг якуний босқичларигача мувофиқлаштиришни ўз ичига олади.
Марат Россияда ваколатхонасига эга халқаро компания билан ҳамкорлик қилган. Москвада офис ўз фаолиятини тўхтатганидан сўнг унга бошқа мамлакатлардаги офисларда ишлашни таклиф қилишган.
Менда Польша, Венгрия, Грузия, Арманистон ва Ўзбекистон каби вариантлар бор эди. Европа мамлакатларида ҳозирда баъзи виза тўсиқлари мавжуд, Грузия ва Арманистонда эса релокантлар оқими ҳаддан ташқари юқори. Ўзбекистон энг тўғри йўналиш бўлиб кўринди, – дейди у.Шунингдек, у Ўзбекистонда ҳужжатлар, уй-жой топиш билан боғлиқ жиддий муаммолар дуч келмаганини таъкидлайди.
У уй топиш ва ижарага олиш, рўйхатга туриш ҳамда солиқ ҳужжатларини расмийлаштиришда ёрдам бериш учун риелтор ёллаган. Барча қоғозбозлик ишлари бир неча соатда ҳал этилган.
Шу тариқа у офиси яқинида, ривожланган инфратузилмага эга замонавий ҳудуддан уй олган.
Мен ҳайдаш маданияти нисбатан паст эканлигини пайқадим, йўллар тартибсиз, тирбандлик юқори, — дейди у мамлакат йўл-ҳаракати ҳақида.Марат маҳаллий аҳоли ҳақида ижобий фикрда эканлигини таъкидлайди. Унга кўра, ўзбекистонликлар жуда меҳрибон, очиқкўнгил ва бағрикенг. Шарқона камтарлик ҳар жабҳада сезилади.
Банклар ишидаги, мижозларга хизмат кўрсатиш сустлигини айтмаганда, ҳеч қандай жиддий муаммо ёки қийинчиликка дуч келганим йўқ, — дейди у дуч келган қийинчиликлари ҳақида.Марат Ўзбекистон қолоқ инфратузилмага эгалиги, унда шаҳар транспорти йўқлиги кўплаб стереотип фикрларни эшитганлигини таъкидлайди. Унга кўра, айримлар ҳатто Тошкентда метро борлигига ва унинг замонавий шаҳар эканлигига шубҳа қилишади.
Лекин у илгари Тошкентда бўлган, шунинг учун қаерга кетаётганини яхши билган.
Қизиқарлиси, бозорда ва таксиларда қатъий белгиланган нархлар йўқ. У фақат сотувчининг кайфияти ҳамда сизнинг савдолашиш истагингиз билан боғлиқ, — дейди у дуч келган қизиқ воқеалари ҳақида.У ҳамма нарсадан мамнун, бу ерда яшаш ва ишлаш унга ёқишини, шунингдек, дўстларига ҳам бу ерни тавсия қилишини билдирган.
Изоҳ (0)