Тошкент шаҳар Яккасарой туманидаги ҳовли кимошди савдосига қўйилди. Лот маълумотлари «E-auksion» порталида эълон қилинган.
Лот аукционга фуқаролик ишлари бўйича суд ҳукми билан Яккасарой тумани МИБ томонидан жойлаштирилган. 2018 йилда қурилган, ертўлага эга 2 қаватли уй 7 хонадан иборат.
Ер участкасининг умумий майдони — 0,02 гектар. Бинонинг майдони — 243 квадрат метр. Ҳовлида газ, сув, электр таъминоти ва канализация тизими мавжуд.
Аукционга қўйилган ҳовлининг бошланғич баҳоси — 2,25 млрд сўм. Аризалар 30 май 09:00 га қадар қабул қилинади. Савдолар худди шу куни 10:00 да бошланади.
Лот изоҳида ёзилишича, уйда фуқаролар яшайди. Уй ичидаги жиҳозлар сотувга қўйилмаган.
Аввалроқ Тошкентда фуқаролар яшовчи ҳовли МИБ томонидан 2,6 млрд сўмга аукционга қўйилгани ҳақида хабар берилган эди.
Изоҳ (0)