Футбол бўйича Европа Лигаси ярим финал жавоб ўйинлари 5 май, пайшанба куни бўлиб ўтди.
«Айнтрахт» «Вест Ҳэм» устидан 1:0 ҳисобида (дастлабки баҳсда 2:1 ҳисоби қайд этилган) ғалаба қозониб, финал йўлланмасини қўлга киритди.
Немис клуби 1980 йилдан буён илк бор Еврокубок финалига йўл олди. Умумий ҳисобда «Айнтрахт» учун бу учинчи финал ҳисобланади. 1959/60 йилги мавсумда Европа Чемпионлар Кубогида «Реал»га 3:7 ҳисобида мағлуб бўлган. 1979/80 йилги мавсумда эса УЕФА Кубоги финалида «Боруссия М» устидан (2:3, 1:0) меҳмондаги гол эвазига ғалаба қозонган.
Иккинчи финалчи «Рейнжерс» эса 1/2 финалда «Лейпциг»ни 3:1 ҳисобида таслим этди. Шотландия жамоаси 2008 йилдан кейин биринчи марта финалга йўл олди.
«Рейнжерс» 2008 йилда УЕФА Кубоги финалида «Зенит»га мағлуб бўлган эди. Шундан буён шотландлар Еврокубоклар ҳал қилувчи баҳсларига чиқа олмаётганди. Глазголиклар ўз тарихида 5 марта Еврокубоклар финали йўлланмасини қўлга киритди.
Европа Лигаси финали 18 май санасига белгиланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)