А Серия. «Интер» камбэк намойиш этиб, чемпионлик пойгасига қайтди, Мартинесдан дубль
Футбол бўйича Италия А Сериясининг 36-туридан ўрин олган ўйинда «Интер» 6 май, жума «Эмполи» билан баҳс юритди.
Миланда кечган баҳсда жами 6 та тўп киритилди. Дастлаб мезбонлар 5 ва 28-дақиқаларда кетма-кет иккита гол уриб, ҳисобда олдинга чиқиб олди. Бироқ биринчи бўлим якунида «Эмполи» ҳимоячилари ўз дарвозасига гол киритиб қўйди. 45-дақиқада эса катта саҳнага Лаутаро Мартинес чиқди. Аргентиналик ҳужумчи қанотдан оширилган тўпни ажойиб тарзда дарвозага жойлаб қўйди. 64-дақиқага келиб, Мартинес дублни расмийлаштирди. Ушбу вазиятда ҳам у дастлабкисидаги каби ҳаракатларни амалга оширди. 90+4-дақиқа эса Алексис Санчес жамоасининг 4-голини уриб, ўйинга якуний нуқтани қўйди.
Шу тариқа «Интер» ўз майдонида 2 та тўп фарқи билан ортда бориб, якунда иродали ғалабани тантана қилди. Ғалабадан кейин жамоанинг очколари сони 78 тага етди ва пешқадамга айланди. Битта кам ўйин ўтказиб, 2-ўринда бораётган «Милан»нинг ҳисобида 77 очко мавжуд.
А Серия
36-тур баҳси
6 май, жума
«Интер» — «Эмполи» 4:2
Голлар: 0:1 – 5 Пинамонти, 0:2 – 28 Аслани, 1:2 – 40, автогол Романьоли, 2:2 – 45 Мартинес, 3:2 – 64 Мартинес, 4:2 – 90+4 Санчес.«Интер»: Ҳанданович, Думфрис (Дармиан, 77), де Врей, Шкриньяр, Димарко (Дамброзио, 70), Перишич, Брозович, Чалханўғлу (Видаль, 70), Барелла, Корреа (Санчес, 82), Мартинес (Жеко, 70).
«Эмполи»: Викарио, Фямосси (Бенасси, 78), Романьоли, Луперто, Паризи, Штулас (Исмайли, 69), Бандинелли, Журковски (Ҳендерсон, 61), Аслани, Байрами (ди Франческо, 61; Кутроне, 68), Пинамонти.
Огоҳлантириш: Мартинес (65).
