Алюминийдан ясалган юпқа қатлам — фольга деярли ҳар бир уйда топилади. Лекин ҳамма ҳам уй шароитида фольгадан қандай фойдаланишни яхши билмайди.
Кир ювиш машинасида
Фольгани теннис тўпи ўлчамидаги бир нечта шариклар ясаб олинг ва уни кир билан бирга барабанга ташланг.
Кийимларни тозаламайди, аммо электрлаштиришни тўхтатади. Шим ёки юбкага ит юнглари ёпишмайди.
Воронка ўрнида
Фольгадан бир дақиқада конус ясаб, ҳар қандай суюқликни хавфсиз қуйиш мумкин.
Бананларни сақлаш учун
Банан бандларини фольга билан ўрасангиз, узоқроқ сақланади, чунки бу билан банан пишганида чиқарадиган этилен гази ёпилади.
Қайчини ўткирлаш учун
Қайчини ўткирлаш ва бир вақтнинг ўзида зангни кетказиш учун фольга парчасини кесиш кифоя.
Сих ва панжара учун
Фольгани думалоқланг, панжара ва сихларда қолиб кетган гўшт қолдиқларини тозалаш учун фойдаланинг. Шундан сўнг фақат ювилса бўлди.
Дазмол учун
Агар дазмол тахтасига фольга қўйсангиз, кийимингизнинг иккала томонини бир вақтнинг ўзида дазмоллаш мумкин. фольга бир неча дақиқада қизийди.
Батареялар учун
Пультдаги батареялар ишламаса, думалоқланган фольга қўйинг. Янгисини сотиб олмагунингизча, батареянинг ишлаш муддатини қисқа вақтга узайтиради.
Мебель учун
Жуда оғир мебелларни кўчириш керак бўлганда ҳам фольга ёрдамга келади. Оёқлари остига фольга бўлакларини жойлаштиринг, фольга керакли текисликни ҳосил қилади, сурилиши анча осон бўлади.
Печни тоза сақлаш учун
Печнинг пастки қисмини ёғлардан ва куйган овқатдан ҳимоя қилиш учун панжара устига фольга солинг. Шунда печни камроқ ювиш керак бўлади.
Қуёшни яхши кўрадиган ўсимликлар учун
Фольга ёруғликни яхши кўрадиган ўсимликлар узоқ қишдан кейин шаклини тиклашга ёрдам беради. Картон қутисидан нур қайтарувчи рефлектор ясанг, унинг бир томонини кесиб олинг ва фольгани ялтироқ томонини ташқарига қаратиб ўранг. Қутини дераза токчасига қўйинг ва гулларингиз қуёш нурида чўмилади.
Бўёқ ишлатганда
Мебель, эшик ёки деворларга бўёқ тегиб кетмаслиги учун кичик қисмлар ва жиҳозларни фольга билан ўранг.
Зангдан тозалаш учун
Фольга зангни мукаммал даражада йўқ қилади. Эски жўмракни тозалашда фольгани сим чўтка билан артиб кўринг.
Wi-Fi сигналини яхшилаш учун
Агар шаҳар ташқарисида интернет яхши ишламаса, сигнални фольга бўлаги билан кучайтиришга ҳаракат қилинг. Фольгани қалин картонга ёпиштиринг ва уни роутер антеннасига маҳкамланг.
Изоҳ (0)