«Фулҳэм» Англия иккинчи дивизиони чемпионига айланди ва «Манчестер Сити»нинг натижасини такрорлади

«Фулҳэм» Чемпионшипнинг 45-турида «Лутон» устидан 7:0 ҳисобида ғалаба қозонди ва мусобақа чемпионлигини қўлга киритди.

Лондонликлар иккинчи ўриндаги «Борнмут» билан орадаги фарқни 8 очкога етказди.

«Лутон» дарвозасига урилган голлардан бирига Александр Митрович муаллифлик қилди. Ҳужумчи ҳисобида ушбу мавсум 43 та ўйинда 43 та гол мавжуд.

27 ёшли серб 1992 йил АПЛ ташкил топгандан буён Англиянинг иккинчи дивизионида 43 та гол урган илк футболчига айланди. Шунингдек, Митровичнинг ҳисобида 7 та голли узатма бор.

«Фулҳэм» Чемпионшип жорий мавсуми 45 та ўйинида 106 та гол урди ва бир мавсум давомида юзлик довондан ўтган «Мачестер Сити»дан кейинги илк клуб бўлди. «Шаҳарликлар» 2001/02 йилги мавсумда 108 та гол урганди.