Бухоро шаҳри 39-сон ихтисослаштирилган мактаб ўқувчиси ёнидан тўппонча топилди, дея хабар бермоқда ЎзА.
Қайд этилишича, Ички ишлар вазирлиги Жамоат хавфсизлиги департаменти Жамоат тартибини сақлаш хизматининг кўрсатмаси асосида 2022 йил 28–29 апрель кунлари барча умумтаълим муассасаларида Ёшлар ишлари агентлиги ва бошқа ташкилотлар билан ҳамкорликда «Тиғ» ва «Давомат» профилактик рейд тадбирлари ўтказилди.
Бухоро вилоятида ўтказилган рейд давомида айрим мактаб ўқувчиларининг сумкаларида таълимга дахлдор бўлмаган буюмлар ҳам борлиги аниқланди.
Жумладан, шаҳардаги 39-сон ихтисослаштирилган давлат умумтаълим мактабининг 10-синф ўқувчиси сумкасида газ балон асосида ишлатиладиган тўппонча олиб юрганлиги аниқланиб, тегишли тартибда ҳужжатлаштирилди.
Изоҳ (0)