Шавкат Мирзиёев раислигида 29 апрель куни ўтказилган видеоселектор йиғилишида ота-она қарамоғидан маҳрум бўлган болалар, боқувчисини йўқотган хотин-қизлар, ногиронлиги бўлган шахслар, оғир касалликка чалинганларга ғамхўрлик кўрсатиш бўйича янги тизим яратилгани таъкидланди. Бу ҳақда президент матбуот котиби хабар қилди.
Қайд этилишича, ушбу тизимга мувофиқ, меҳрибонлик уйларидаги 1,5 мингга яқин ўғил-қизлар оилаларга олинган, 116 та оилавий уй ташкил қилиниб, 700 га яқин фарзандлар ота-она бағрида вояга етиши учун шароит яратилган. Бунинг ҳисобига 10 та меҳрибонлик уйи, 4 та болалар шаҳарчаси ва 2 та болалар уйи ёпилган. Шунингдек:
- ўтган йили 757 нафар бола уй-жой билан таъминланган, 2022 йил якунига қадар яна 350 та ажратилади;
- давлат ҳисобидан 4 мингдан зиёд болаларда мураккаб операциялар ўтказилган;
- ўтган йили 42 мингга яқин ногиронлиги бўлган шахсларга олиб берилган;
- ўтган йили эшитиш қобилияти заиф 555 нафар бола кохлеар имплант билан таъминланган, жорий йилда яна 250 нафар болага шундай ёрдам кўрсатилади;
- 4 минг нафар кўзи ожиз болаларга Брайл алифбоси тарқатилган.
Изоҳ (0)