Ўзбекистон муфтийси Нуриддин Холиқназаров Рамазон ҳайити байрами нега эрта эълон қилинмаётгани сабабини айтди. Бу ҳақда Фатво ҳайъати хабар қилди.
Қайд этилишича, Мусулмонлар идорасида Рамазон ойи ва ҳайитини муносиб кутиб олиш, ислом дини тартиб-қоидалари асосида ҳилолни кузатиш бўйича ишчи гуруҳ тузилган.
«Фатво ҳайъатимиз ҳозирда астроном олимлар билан биргаликда Рамазон ҳайити кунининг аниқ санасини ҳисоблаш билан машғул бўляпти. 30 апрель бунинг хулосасини берамиз. Шунга қараб Ҳайит санасини эълон қиламиз. Шунда ҳар йилгидек президентнинг байрам бўйича қарори қабул қилинади», — дейди муфтий Нуриддин Холиқназаров.
Бундан аввал Шавкат Мирзиёев ҳокимларга Рамазон ҳайитини юқори савияда ўтказиш бўйича топшириқ бергани, Рамазон ҳайити муносабати билан Нукус, Термиз ва яна учта вилоятга қўшимча авиақатновлар йўлга қўйилиши, Uzbekistan Airways Рамазон ҳайити муносабати билан чегирма эълон қилгани хабар қилинганди.
Изоҳ (0)