Одатда аёлларнинг аксарияти тональ кремини танлашда бир қанча камчиликларга йўл қўяди. Афсуски, харид қилинган косметик восита юзга қўллангач, кутилган натижани бермайди. Harper’s Bazaar нашри бу борада аёлларга қўлланма сифатида бир нечта тавсия бериб ўтди.
Терининг турига эътибор беринг
Албатта, тональ крем танлашда унинг ранги асосий рол ўйнайди. Шунинг учун тонал суртиладиган терининг турига катта эътибор бериш керак. Қуруқ тери учун таркибида гиалурон кислотаси ва бошқа намлантирувчи моддалар мукаммал қопламани таъминлайди ва терини намлик билан озиқлантиради. Аммо қуруқ тери эгалари учун композициядаги минералларга эътибор бериш яхшироқдир — улар тери ёғини ишлаб чиқаришни камайтиришга ёрдам беради ва тешикларни ёпмайди.
Ранг билан хато қилманг
Дўкондан тональ крем танлаётганда, уни қўлда синаб кўрмаслик керак: терининг ранги тананинг турли қисмларида бироз фарқ қилади ва машҳур қоидадан фарқли ўлароқ, юз ва қўллар ранги бир хил эмас. Тональ кремни ёноқ суяги остидаги қисмда ва пастки жағнинг чизиғида синаб кўриш керак: ранг тери билан мукаммал бирлашиши ва бўйин ҳамда деколте рангидан фарқ қилмаслиги лозим. Ёдда тутингки, тональ крем ҳаво таъсирида оксидланади ва ранги бироз ўзгаради, шунинг учун бир нечта намуналарни олиб, уларни табиий ёруғликда уйда қўллашга ҳаракат қилиш ва якуний рангни кўриш учун бироз вақт қолдириш тавсия этилади.
SPF маҳсулотларидан фойдаланишни унутманг
Неча марта булутли ҳавода ҳам SPF’ни қўллаш кераклигини айтишган. Шунингдек, бутун йил давомида ҳам. Бироқ кўпчилик бу қоидани эътиборсиз қолдиришда давом этмоқда. Иккала муаммони ҳал қилишнинг самарали усули — бу композицияда SPF ҳимояси бўлган тональ кремдир. Бундай маҳсулот терини ультрабинафша нурларининг шикастлашидан ҳимоя қилади ва терига яхши сингиб кетади.
Мавсумни ҳам эътиборга олинг
Ҳа, тональ кремлари ҳам мавсумийдир. Албатта, ҳеч ким буни қадоққа ёзмайди, лекин жуда оддий мезонларга асосланиб, маҳсулот маълум бир мавсумга мос келадими ёки йўқлигини аниқлаш мумкин. Ёздан бошлайлик: иссиқлик ва юқори намлик тери учун қулай шароит эмас. Ёзда оғир зич маҳсулотлардан фойдаланиш деярли 100 фоизлик эҳтимол билан тиқилиб қолган тешикларда яллиғланишни қўзғатади, шунинг учун иссиқ ҳавода енгил намлантирувчи BB кремлари ёки минерал кукундан фойдаланиш яхшироқдир. Қишда, аксинча, намлантирувчи тональ кремлар терининг ёрилишига олиб келиши мумкин. Шунинг учун совуқ ҳавода нейтрал таркибга эга маҳсулотларни танлаш ва уларни ишлатишдан олдин терини яхшилаб намлаш ва озиқлантириш тавсия этилади.
Изоҳ (0)