Озарбайжон президенти Илҳом Алиевнинг айтишича, агар Арманистон Озарбайжон Республикасининг яхлитлигини тан олмаса, Боку ҳам Арманистоннинг ҳудудий яхлитлигини тан олишдан бош тортади. Алиев вазиятни ҳал қилиш учун музокара бошлашга чақирди.
«Агар Арманистон Озарбайжоннинг ҳудудий яхлитлигини тан олмаса, Озарбайжон ҳам Арманистоннинг ҳудудий яхлитлигини тан ололмайди», — деб тушунтирди Алиев Шушадаги «Дунё озарбайжонларининг V қурултойи»даги чиқишида.
У арман томонини тинчлик шартномасини тузиш учун «конкрет музокаралар олиб боришга» чақирди, бироқ Озарбайжон «ўз ҳудудини ҳеч кимга бермаслигини» ва Бокунинг манфаатлари ҳисобга олинмаган битимни имзоламаслигини таъкидлади. . «Ишончим комилки, можародан кейинги даврда амалга оширган ҳаракатларимиз натижасида биз Арманистон ва дунё арманларининг Озарбайжонга нисбатан ҳудудий даъволарини бартараф қиламиз», — деди Алиев.
Арманистон—Озарбайжон муносабатларида нисбатан нормаллашув аломатларига қарамай, мамлакатлар Тоғли Қорабоғ мақоми борасида ҳамон тортишувларга дуч келмоқда. Март ойи охирида Қорабоғдаги навбатдаги кескинлашув фонида Арманистон ва Озарбайжон етакчилари музокара ўтказиш учун Брюсселда учрашганди.
Изоҳ (0)