Сирдарё вилоятининг Янгиер шаҳридаги «Абдураҳмон Жомий» МФЙда енгил автомобилга ўрнатилган газ баллони портлаб кетди, деб хабар беради вилоят ФВБ ахборот хизмати.
Маълум қилинишича, 21 апрель куни соат 09:50 ларда Янгиер шаҳрининг Пахтакор кўчасида жойлашган «Ватанпарвар» ташкилоти биноси рўпарасида қолдирилган, 28 ёшли ҳайдовчи Б.Қ.га тегишли Nexia-3 русумли автомобилнинг газ баллонида ёрилиш содир бўлган. Натижада автомобиль буткул яроқсиз ҳолга келган ва ёнидаги 2 та автотранспорт воситаларига техник зарар етган.
Ҳодиса натижасида тан жароҳати олган фуқаролар йўқ. Ҳозирда вилоят ФВБ ва ИИБ ЙҲХБ ходимлари томонидан дастлабки суриштирув ишлари олиб борилмоқда.
Бундан аввал Бухорода «Волга»нинг газ баллони портлаши оқибатида икки киши вафот этгани, Сурхондарёдаги заправкада Lacetti’нинг газ баллони портлаб кетгани ҳамда Тошкентда Lacetti билан тўқнашган Nexia ёниб кетгани ҳақида хабар берилганди.
Изоҳ (0)