Ўзбекистонда энди Ягона интерактив давлат хизматлари портали орқали йўқотилган буюмларни онлайн топиш мумкин. Бу ҳақда портал ахборот хизмати хабар қилди.
Қайд этилишича, бунинг учун «My.gov.uz» орқали «Топилмалар, йўқолган буюмлар ва ҳужжатлар бўйича сўров юбориш хизмати»дан фойдаланиб, ариза қолдирилади. Йўқотилган буюмингиз 2 ой мобайнида тегишли ахборот тизимлари орқали қидирилади.
Шу муддат ичида буюмингиз топилмаса, БҲМнинг 4 фоизи миқдорида тўлов тўлаб, йўқолган ашё топилмагани тўғрисида маълумотнома олинади.
Аввалроқ Ички ишлар вазирлиги тизимидаги «Топилмалар столи» фаолияти тугатилиши, туман (шаҳар) давлат хизматлари марказлари томонидан йўқолган ва топиб олинган ашёларни қабул қилиш, сақлаш ва эгаларига қайтариш ёки тегишли давлат ташкилотларига топшириш бўйича давлат хизматлари кўрсатилиши хабар қилинганди.
Изоҳ (0)