Қарши шаҳрининг амалдаги ҳокими Нормўмин Холбоев ва собиқ ҳоким Жамшид Фозилов даврида бозор баҳоси 156 млрд сўм бўлган ер ноқонуний бериб юборилгани маълум бўлди. Бу ҳақда «Дарё»га вилоят прокуратураси ахборот хизмати хабар берди.
Маълум қилинишича, шаҳар ҳокимлари амалдаги қонунларга зид равишда 318 та ҳолатда бозор баҳоси 156 миллиард 422 миллион сўм бўлган 105 гектар ерга эгалик қилиш бўйича қарор чиқариб берган. Мазкур ҳолат вилоят прокуратураси томонидан аниқлангач, бўш турган 90,1 млрд сўмлик 58 гектар ер ҳокимлик захирасига қайтарилган. 1,2 гектар эса аукцион савдога чиққан.
«Қурилиши ишлари амалга оширилган 56,4 миллиард сўмлик 27 гектар ерни қайтариш бўйича судларга 133 та даъво ариза киритилган. Қарши шаҳар ҳокимлиги, кадастрлар палатаси ва қурилиш бўлимининг 7 нафар мансабдорига нисбатан жиноят иши қўзғатилиб, айблов эълон қилинган ва иш судга оширилган», — дейилади прокуратура ахборотида.
Мавзуга доир:
- Самарқандда 10 гектар ерни 7,5 минг доллар эвазига танишлари орқали расмийлаштириб беришни ваъда қилган шахс ушланди
- Сергелида ижарага берилган 2,5 гектар ерни 1,9 млн долларга расмийлаштириб беришни ваъда қилган шахс ушланди
- Самарқандда кўп қаватли уй қуриш учун ажратилган 1 гектар ерни 500 минг долларга сотишга уринган шахслар қўлга олинди
Изоҳ (0)