Шавкат Мирзиёев 14 апрель куни ўтказилган йиғилишда IТ соҳасида ечимини кутиб турган бир нечта муаммони санаб ўтди. Бу ҳақда президент матбуот котиби хабар қилди.
Қайд этилишича, «Рақамли Ўзбекистон–2030» дастури доирасида вазирлик ва тармоқларнинг 11 та лойиҳаси кечикмоқда. Жумладан, Транспорт ва Молия вазирликларида 3 тадан, Инвестиция, Соғлиқни сақлаш вазирликлари, Кадастр агентлиги, Миллий банк, «Ўзагросуғурта»да 1 тадан.
Бугунги кунда айрим вазирлик ва идоралар эски, ишончсиз ва ўзаро интеграция қилинмаган ахборот тизимларидан фойдаланиб келмоқда.
Бундан ташқари, ҳудудларда IТ соҳaсини ривожлантириш бўйича ишлар бир маромда эмас. ИТ хизматларининг 90 фоизи Тошкент шаҳрига тўғри келади. Энг оғир ҳолат Қорақалпоғистон, Андижон ва Сурхондарёда.
Шунингдек, 46 та ҳудудий лойиҳа ижроси кечикмоқда.
Изоҳ (0)