Шавкат Мирзиёев раислигида 8 апрель куни бўлиб ўтган видеоселектор йиғилиши давомида президент маҳаллаларни обод, озода ва яшил маконга айлантириш, маданий-маърифий тадбирларни кўпайтириш масаласига ҳам тўхталди. Ушбу ҳолат «Менимча» кўрсатувида намойиш этилди.
Давлат раҳбари масъулларга «оқсоқоллардан Эски шаҳар ҳудуди қандай бўлгани ҳақида бир сўраш лозимлигини» айтди.
Ишком, сўри, намозшомгул ва терак бўлган. Шуни тикласа, урф-одатимиз-ку бу. Гулларимиз ҳам «импортний» бўлиб кетган. Ўзимизники ёқмай қолибди-да ҳаммаларингга. Хоҳламасаларингиз ҳам, ўргатаман. Бу бизнинг маданиятимиз, маърифатимиз. Ҳеч қаерда йўқ маданиятимиз бор. Лекин уни унутиб юбордик. Жонажон пойтахтимизнинг ҳар бир кўчаси чиройли бўлиб, райҳоннинг ҳиди келиб турса, намуна бўладими, йўқми? Бўлади. Шуни қилсак бўладими, бўлади. Кимнинг қўлида? Ўзимизнинг қўлимизда. Ким учун қиламиз? Ўзимиз учун. Бировга кўз-кўз қилиш учун эмас, ўзимиз учун қиламиз, — дейди президент.Аввалроқ давлат раҳбари ҳар бир маҳаллада кўчалар ва ариқлар бўйлари, кўп қаватли уйлар атрофига камида 2 минг туп мевали ва манзарали дарахтлар, 3-5 минг дона терак қаламчалари ва камида 15 минг дона гул кўчатлари экишни ташкил этиш зарурлигини таъкидлагани ҳақида хабар берилган эди.
Изоҳ (0)