Forbes Осиёнинг энг бой одами кимлигини эълон қилди

Ҳиндистонлик тадбиркор Мукеш Амбани Forbes талқини бўйича 2022 йилда Осиёнинг энг бой одами бўлди.

Reliance Industries раҳбарининг бойлиги 90,7 миллиард долларга баҳоланган. Йил давомида у 6,2 миллиард долларга ўсди.

Амбани дунёнинг энг бой одамлари рўйхатида 10-ўринни эгаллаган. У 1966 йилда отаси томонидан асос солинган компанияни бошқаради.

Reliance Industries ҳозирда 74 миллиард доллар даромад келтирмоқда. У нефть-кимё, нефть-газ, телекоммуникация ва чакана савдо тармоқларида ишлайди.

Мукеш Амбани ҳозирда компанияни тоза энергияга қараб ривожлантиряпти. Келгуси 10-15 йил ичида Reliance Industries қайта тикланадиган энергия манбаларига 80 миллиард доллар сармоя киритади ва нефтни қайта ишлаш заводи ёнида янги мажмуа қуради.

Аввалроқ Forbes Марказий Осиёнинг энг бой одами кимлигини эълон қилгани ҳақида хабар берилган эди.