Ижтимоий тармоқларда Давлат тест маркази томонидан янги тест топшириқлари тўпламлари нашр этилгани ҳақида хабарлар тарқалди. ДТМ ахборот хизмати ҳолатга муносабат билдирди.
Қайд этилишича, марказ томонидан «Давр пресс» нашриёти билан ҳамкорликда 2019 ва 2020 йилларда умумтаълим фанларидан тест топшириқлари тўпламлари чоп этилган. 2021 йилда бу турдаги тўпламлар чиқарилмаган.
Абитуриентлар 2021—2022-ўқув йили учун олий таълим муассасаларининг бакалавриат таълим йўналишларига кириш тест синовларида фойдаланилган тест топшириқлари билан Давлат тест марказининг «e-DТМ» тизими (@e_dtm_bot Telegram боти) орқали онлайн тарзда ва «my.dtm.uz» сайти орқали диагностик тест материалларига буюртма берган ҳолда танишиши мумкин.
ДТМ директори ўринбосари Сардор Ражабов бу китобларни чиқараётганларга қонуний чора кўрилишини маълум қилди.
«Давлат тест маркази номи билан сохта қўлланма чиқариш қонунга хилоф, албатта. Бу бўйича тегишли органларга мурожаат қиламиз. Чунки бу саволларнинг савиясини кўриб, одамлар ДТМнинг саволлар шундай экан, деб ўйлаб қолиши табиий», — дейди у.
Изоҳ (0)