Қашқадарё вилоятининг Қарши туманида эски консерва заводининг 3 гектар майдонини 100 минг долларга сотишини айтиб, 2 минг доллар олган фуқаро Чироқчи туманида эса солиқ қарздорлигини «ёпиб беришни» ваъда қилиб, 1,1 миллион сўм пулни олган солиқчи қўлга олинди. Бу ҳақда «Дарё» манбаси хабар берди.
Маълум бўлишича, Андижон вилоятида туғилган фуқаро Қарши туманидаги эски консерва заводини томат ишлаб чиқарувчи заводга айлантирмоқчилигини айтиб, сотиб олган. Сўнгра у ердаги барча биноларни бузиб, металл буюмларни ҳам сотиб юборган. Бу ҳам етмагандек, заводнинг 3 гектар майдонини кўп қаватли уй қуриш учун сотишини айтиб, харидорга ерни вилоят ҳокимлигида ишловчи танишлари орқали ҳужжатлаштириб беришни ҳам ваъда қилган. Эвазига эса талаб қилинган 100 минг долларнинг икки мингини олаётганда қўлга олинган.Чироқчи туман Солиқ инспекциясида ишловчи солиқчи эса ер солиғидан 2,2 миллион сўм қарздорлиги бўлган фуқарога мавжуд қарздорлигини компьютер базасидан ўчириб бериши эвазига 1,1 миллион сўм пул сўраган, пулни олаётганда қўлга тушган.
Ҳолат юзасидан тергов ҳаракатлари олиб борилмоқда.
Мавзуга доир:
Изоҳ (0)