Ўтган ҳафта Ўзбекистонда Тошкент халқаро инвестиция форуми ўз якунига етди.
Мазкур тадбир доирасида Европа тикланиш ва тараққиёт банки президенти Одиль Рено-Бассо Украина уруши Ўзбекистонга қандай таъсир қилиши мумкинлиги ҳақида «Дарё»га изоҳ берди.
Маълумот учун, Ўзбекистон 2021 йилда иккинчи йил кетма-кет EТТБнинг минтақадаги энг йирик маблағ олувчиси сифатида эътироф этиллган. EТТБ Ўзбекистондаги 108 та лойиҳа доирасида жами 2,93 млрд евродан зиёд сармоя киритган.
Украинадаги уруш ва Россияга қарши қўлланган санкциялар жаҳон иқтисодиётига катта таъсир кўрсатиши аниқ.
Биз бутун дунё бўйича уруш оқибатлари қандай тус олишини яхшироқ англай бошлаяпмиз.
Шундай қилиб, бу Украина учун жуда катта таъсирга эга бўлиб, хабарингиз бор, EТТБ Украинада фаол иш олиб бормоқда.
Маълумки, EТТБ Шарқий Европа давлатлари билан ҳам ишлайди. Биз бу мамлакатларга кириб келаётган қарийб 3,5 млн нафар қочқинлар борлигини кўряпмиз. Бу қўшни давлатларга ҳам бевосита ўз таъсирини кўрсатиши сир эмас.
Албатта, бу Марказий Осиё учун ҳам маълум таъсирларга эга: энергия ташувчилари, озиқ-овқат маҳсулотлари нархлари, Россия ва унинг иқтисодиёти билан ўзаро алоқалар.
Ўзбекистон Россияга энг кўп экспорт даражасига ва логистика алоқаларига эга мамлакатдир. Россия билан ўзаро алоқалар мустаҳкам.
Ўйлайманки, бу бутун Марказий Осиё мамлакатлари учун ҳам худди шундай.
Ўзбекистондек мамлакат учун ЯИМдаги юқори даромад улушини ўз ичига олган юқори пул ўтказмалари даражаси, Россияда ишлаётган кўп сонли ўзбекистонликлар аҳамияти катта.
Биз пул ўтказмалари даражасининг пасаяётганини ва Россияда ишлаётган бир неча одамларнинг бу ерга қайтишга тайёрланаётганини ҳам кўряпмиз.
Шундай экан, бу ўз таъсирини кўрсатмай қолмайди. Биз, яъни халқаро ҳамжамият, шунингдек, мамлакат ҳукуматлари қайта тикланиш орқали, яқиндагина COVID’дан чиқиб олдик.
Энди эса яна янги муаммо юзага келмоқда. Мен келгуси оқибатлар ҳақида билиш ва қаршиликларни юмшатиш ҳолатида туриш керак деб ҳисоблайман.
Валюта қадрсизланишига ўз таъсирини кўрсатиши сабабли, инқироз оқибатларини юмшатиш, айниқса пул нуқтаи назаридан, расмийлар ижобий муносабат билдирди.
Улар вазиятни барқарорлаштириш учун тўғри чораларни амалга оширган деб ўйлайман.
Аҳолини ижтимоий ҳимоя тизими орқали ҳам қўллаб-қувватлаш муҳим. Ўйлайманки, мамлакатда ва минтақада инқироз оқибатларига қарши тура оладиган, мамлакатнинг ўзи суяна оладиган бир неча активлари ва бир неча имкониятлари бор.
Масалан, Ўзбекистон энергия манбалари бўйича соф экспортчи ҳисобланади ва шу сабабли бу айни шароитларда вазиятни барқарорлаштиришга ёрдам беради.
Шунингдек, у қишлоқ хўжалиги ва бошқа маҳсулотлар бўйича муҳим аҳамиятга эга экспортчи давлатдир.
Демак, бу биринчи навбатда, юзага келиши мумкин бўлган хавф-хатардан мамлакатни ҳимоя қилади. Бироқ мамлакат ижобий барқарорлаштирувчи аҳамиятга ҳам эга бўлиши мумкин.
Шунинг учун мослашиш ва муносабат билдириш жадаллиги муҳим деб ўйлайман. Ҳукуматнинг турли вакиллари, президент иштирок этган муҳокама учрашувларида ҳам бу борада билдирилаётган муносабат кучли эканини кўриш мумкин.
Европа тикланиш ва тараққиёт банки президенти Одиль Рено-Бассо
Изоҳ (0)