Бухорода 2022 йилнинг ўтган даврида 436 та ЙТҲ содир этилгани, шундан 92 таси инсон ўлими билан якунлангани маълум бўлди. Мана шундай ЙТҲларнинг олдини олиш мақсадида вилоятдаги йўлларда ҳаракатни ажратувчи бетон тўсиқларга 1700 га яқин катафотлар ўрнатилди. Бу ҳақда «Дарё»га вилоят ИИБ ЙҲХБ ахборот хизмати раҳбари Улуғбек Шукуруллаев маълум қилди.
Вилоятда содир этилган ЙТҲлар 2022 йилнинг ўтган даврида 2021 йилнинг шу даврга нисбатан 97 тага кўпайган. Тан жароҳати олиш билан боғлиқ йўл-транспорт ҳодисалари эса 88 тага (256 тадан 344 тага) ёки 34,4 фоизга, ўлим билан боғлиқ йўл-транспорт ҳодисалари сони 9 тага (83 тадан 92 тага) ёки 10,8 фоизга кўпайган.
«Автомобильларнинг хавфсиз ҳаракатланиши учун қулай шарт-шароитлар яратилишини назарда тутувчи халқаро, давлат ва маҳаллий аҳамиятга эга бўлган йўлларда 690 дона нур қайтарувчи лента ва йўналтиргичлар, йўл четини белгиловчи устунларга, ҳаракатни ажратувчи бетон тўсиқларга эса жами 1692 дона катафотлар ўрнатилди. Бу вилоятда йўл транспорт ҳодисаларининг камайишига хизмат қилади», — дейди вилоят ЙҲХБ ахборот хизмати раҳбари Улуғбек Шукуруллаев.
Қўшимча қилинишича, вилоятда йўл ҳаракати қатнашчиларининг ҳуқуқий маданияти ва малакасини ошириш, интизомини яхшилаш борасида ҳам кўплаб ишлар амалга оширилган.
Мавзуга доир:
- Тошкентда 5 та автомобиль иштирокида ЙТҲ содир бўлди, Самарқандда Nexia-3 билан тўқнашган Nexia ёниб кетди
- Қамчиқда юк автомобили йўл четига чиқиб кетди, Самарқандда Nexia-2 олиб қочган маст эркак Damas билан тўқнашди
- Фарғонада маст ва вояга етмаган ҳайдовчилар бошқарувидаги Lacetti’лар тўқнашди, Қашқадарёда Matiz машина итариб кетаётган пиёдаларни уриб кетди. ЙТҲлар тафсилотлари
Изоҳ (0)