Лионель Месси кетма-кет 9 ўйиндан буён «Реал»га гол ура олмаяпти

Лионель Месси 2018 йилдан буён «Реал»га гол ура олмаяпти.

«ПСЖ» ҳужумчиси «Реал»га қарши иккала ўйинда ҳам дарвозани ишғол қила олмади.

Аргентиналик футболчи кетма-кет 9 ўйиндан буён Мадрид клуби дарвозасига гол ура олмаяпти. Сўнгги марта 2018 йил май ойида «Реал»га гол урганди. Бундан ташқари, бу ўйинларда Месси голли узатма ҳам амалга оширмади.

Лионель «Мадрид»га қарши 47 та ўйинда майдонга тушган ва 26 та гол ва 14 та голли узатмани амалга оширган.

Месси 15 йилдан сўнг илк бор Чемпионлар Лигаси плей-офф босқичида бирорта гол ура олмади. Аргентиналик сўнгги бор 2006/07 йилги мавсумда «Барселона» сафида «Ливерпуль»га қарши 1/8 финал ўйинларида (1:2, 1:0) дарвозани ишғол қила олмаганди.

Лионель Месси кетма-кет 7 марта Чемпионлар Лигаси финалига чиқа олмади. Ҳужумчи охирги марта «Барселона» билан бирга 2014/15 йилги мавсумда «Ювентус»га қарши финал ўйинида иштирок этганди.

«Реал» футболчилари 35 ёшли Мессига ўйин давомида бирор марта ҳам қўполлик ишлатмади. Килиан Мбаппега икки, Неймарга эса тўрт марта қўпол ҳаракат қилинди.

Месси 2021/22 йилги мавсумда «ПСЖ» сафида барча мусобақаларда 25 та ўйинда майдонга тушиб, 7 та голга муаллифлик қилган.